احدث الترندات في مصر

دعوني اسأل سؤال هو ليه بقي اهم حاجه عند اغلب المصريين في بحثهم علي الإنترنت بقي فقط عن الكوره والماتشات أو الفنانين والفنانات ليه بقينا كده انا اتذكر ان اقبل النت ما ينتشر في البلاد كانت اهتماماتنا مختلفه بعض الشئ كنا بنسال عن كل الأمور الحياتيه ونتعرف عليها من اهلنا وأصحابنا كنا لنحاول نعرف اكتر عن ديننا و عن ازاي نقدر نعيش في المجتمع وعن ازاي مبسط نفسينا من غير ما ننعزل عن المجتمع . كنا بننزل نلعب كوره أمام بيوتنا ومكانتش ثقافة النوادي انتشرت قوي كنا لنخرج مع بعض نضحك ونزعل ونجري . منا بنهتم بالكوره بس مكناش متعصبين كنا بنهتم بالفن بس مكانش هو العامل المؤثر في حياتنا مثال لذلك لما مسلسل رافت الهجان لتذاع لأول مره كنا بنستناه بفارغ الصبر من حلقه لحلقه ومن جزء لجزء بس علشان ثقافتنا ساعتها كانت كويسه بعض الشئ كنا بنحاول نعرف مين رافت الهجان ويعني ايه ولاء لمصر مش بنقلد لبس ولا طريقه الممثل كانت القيم اهم شئ علشان كده دايما هتلاقي انس كتيره بتقولك رغم عدم توفر التكنولوجيا اللي موجوده حاليا ولكننا كنا بنعرف ازاي ننبسط دلوقتي بقت اهتماماتنا كلها ما هي الا الأهلي فاز ولا الزمالك محمد رمضان ضرب واقتل كام واحد في فيلمه الجديد ولبسه كان عامل ازاي ولا الممثلة مي عمر لبست فستان ب ١٥ مليون دولار ولا ولا ولا احنا لازم نرجع قيمنا وأخلاقنا للطريق إلصح علشان نقدر نقوم ونعيش حياه جميله وراقيه. ارجوكم متفهاموش من كلامي اني ضد كل شئ ولكن انا لاطلب اننا نكون معتدلين في حياتنا علشانا وعلشان الأجيال اللي جيه ان شاء الله..